ご利用のブラウザーは古いバージョンです。
ہمارے گھر ڈیزائن کے ساتھ بہتر تجربہ حاصل کرنے کے لئے، براہ کرم مفت کے لئے دوسرے براؤزر ڈاؤن لوڈ کریں. صرف آئکن پر کلک کریں!
ہم اکثر سوچتے ہیں کہ کچھ لوگوں کے گھر کس طرح ایسے صاف ستھرے اور چمکدار نظر آ رہے ہوتے ہیں جبکہ ہم جتنی بھی محنت کر لیں، اس طرح کی صفائی اور چمک دمک لانا ہمیں ناممکن لگتا ہے۔ اسی مسئلے کے حل کے لیے ہم آج آپ کے لیے چند ایسی ٹپس اور ٹرکس لاۓ ہیں جن کی مدد سے آپ اپنے گھر کو چمکتا دمکتا بنا سکتے ہیں۔ ان طریقوں کے استعمال کے بعد آپ کا گھر تازہ، خوبصورت اور خوشبو سے مہکتا رہے گا۔
آپ کے غسل خانے میں سب سے زیادہ گندا کچرا نمی کی وجہ سے جمع ہو جاتا ہے۔ اس بات کو یقینی بنائیں کہ جب بھی آپ نہائیں تو ہر جگہ کو خشک کریں۔ اس کے علاوہ اپنے شاور ہیڈ کو بھی باقاعدگی سے صاف کریں اور نلکے اور ٹائیلز کو بھی صاف کر لیں۔
جب بات آۓ گھر صاف کرنے کی تو صرف بڑی چیزوں جیسے فرش اور سطحوں کو ہی صاف کرنے کا نہ سوچیں بلکہ اندر کے کونے کھدرے بھی توجہ مانگتے ہیں۔
ان جگہوں کو صاف کرنے کے لیے الگ سے چھوٹے برش وغیرہ استعمال کریں، تاکہ آپ کا گھر صاف ستھرا لگے۔
گھر کی کھڑکیاں خاص طور پر وہ جن پر پانی جمع ہو جاتا ہے، ان کو خصوصی طور پر صاف کرنا چاہیۓ۔ ورنہ ان پر بد نما دھبے لگ جاتے ہیں۔ اور اس کے علاوہ لکڑی بھی گلنے لگ جاتی ہے۔ جب بھی ان پر پانی جمع دیکھیں تو انہیں صاف کر دیں۔
لوگ سمجھتے ہیں کہ آپ کے پیروں کو صاف رکھنے والے میٹ کو دھلائی کی کوئی ضرورت نہیں۔ حالانکہ ان کو ہفتے میں ایک مرتبہ ضرور مشین میں ڈال کر گھما دینا چاہیۓ۔ اس طرح آپ بہت سی پیروں کی بیماریوں سے بچ جائیں گے۔
آج کل کی تمام جدید ٹیکنالوجی ٹچ سکرین والی ہے۔ آپ اپنی تمام جدید اشیاء کو ہفتے میں ایک دفعہ لازمی اچھی طرح پونچھ لیں تاکہ ان کی زندگی بڑھی رہے۔
آپ اپنے گھر کے ٹائلز کو تو یقیناً صاف کرتے ہوں گے مگر کیا ان کے درمیان موجود گراؤٹ کو کبھی صاف کیا ہے؟ ادھر سب سے زیادہ جراثیم نشو نما پاتے ہیں۔ کسی پرانے ٹوتھ برش کو بلیچ میں ڈبو کر ان جگہوں کو صاف کریں۔
اگر آپ کی بھاپ والی استری ہے تو پھر آپ اسے لازمی سفید سرکے سے صاف کریں ورنہ اس پر سفید رنگ کا مادہ بہت تیزی سے اکٹھا ہو جاتا ہے جو کپڑوں پر بدنما دھبے چھوڑ دیتا ہے۔
سوچیں آپ کے ویکیوم کا برش کیا کیا گند اپنے اندر کھینچتا ہے۔ کسی پرانی کنگھی سے لازمی اس برش کو بھی صاف کریں۔
ہے تو عجیب سی بات مگر آپ کی صفائی والی اشیاء کو بھی صفائی کی ضرورت ہوتی ہے۔ کسی بھی صاف ستھرے کپڑے سے ایک دفعہ ان چیزوں کو بھی پونچھ لیں تو یہ زیادہ بہتر رہے گا۔
یہ تصویر ہر صفائی پسند شخص کے لیے بہت بڑا عذاب ہوتی ہے۔ یقیناً آپ اسے صاف کرنے کے لیے ویکیوم کا استعمال کرتے ہوں گے مگر پھر اس ویکیوم کو بھی اندر سے صاف کرنا مت بھولیں کیونکہ ان مٹی اور دھاگوں سے بنے پھائیوں سے آپ کا ویکیوم بہت جلدی خراب ہو جاۓ گا۔
اگر آپ کو باہر سے خریدا ہوا کیمیکل سے بھر پور کلینر پسند نہیں تو آپ اسے خود بھی تیار کو سکتے ہیں۔
تھوڑے سے پانی میں لیموں ڈال کر اسے گرم کر لیں اور چاہے تو اس میں تھوڑا سا سرکہ اور بیکنگ سوڈے بھی شامل کر لیں۔ اس کی مدد سے آپ اپنے پورے گھر کو صاف کر سکتے ہیں۔
گھر کو بہتر بنانے کے لیے پانچ بہترین تجاویز بھی دیکھیں.
